MOFFE Timor-Leste servisu hamutuk ho Gabinete Apoiu à Sosiedade Civil (GASC) realiza kampaña Loron Ida Lian Ida (ODOV) ho tema “Hamutuk Ita Hapara Violencia Digital ba Feto no Labarik” hodi promove direitu feto no empodera joven sira kona-ba defende direitus umanus ho juventude suco Hera hamutuk 94 (feto 62 no mane 32) iha salaun sede Suco Hera.

Atividade kampaña ne’e ho objetivu maka:
1. Mobiliza foin-sa’e sira halo kampaña ba promove direitu feto no hamutuk hapara violensia no explorasaun hasoru feto no labarik feto iha mundu digital online
2. Eduka juventude sira hodi Utiliza Digital ho Saudavel no Respeita Direitu Feto mak Direitu Umanus
3. Juventude sira iha nivel suco hamriik no lidera kampaña hodi defende direitus umanus.

Orador importante ba atividade kampaña ida ne’e maka:
1. Adjunta Provedoria Direitus Humanu no Justisa (PDHJ), Sra. Maria Marilia X. da Costa, koalia konaba Respeita Direitu Feto mak Respeita Direitu Umanus iha kontextu Prevensaun Violencia Digital
2. Reprezentante Diretor Mane ho Vizaun Foun (MHVF) Sr. Vital Duarte Gaspar, koalia konaba konaba Asaun Mane nian hodi kombate Violencia Digital hasoru Feto no Labarik
2. Coordenadora YGIA, Sra. Brigida Verdial G. Ximenes, koalia konaba Perspetiva Foinsae hodi Asegura Utilizasaun Digital Saudavel

Atividade kampaña ida ne’e introdus programa husi Diretora Interina MOFFE Sra. Denise Tereza, hato’o mensagem no abertura husi Xefe Suco Hera Sr. Antoninho M. da Silva.