Movimentu Feto Foinsae Timor-Leste servisu hamutuk ho CARE in Timor-Leste realiza programa forum labarik feto 2024 ho Titulu “𝗛𝗮𝗳𝗼𝗿𝘀𝗮 𝗙𝗲𝘁𝗼 𝗻𝗼 𝗟𝗮𝗯𝗮𝗿𝗶𝗸 𝗙𝗲𝘁𝗼 𝗡𝗶𝗮 𝗞𝗮𝗽𝗮𝘀𝗶𝗱𝗮𝗱𝗲 𝗻𝗼 𝗦𝗶𝗿𝗮 𝗡𝗶𝗮 𝗟𝗶𝗮𝗻” ne’ebe partisipa masimu husi reprezentante labarik feto sira hamutuk 28 husi 13 munisipiu inklui RAEOA iha salaun, Fokupers Dili.

Objetivu husi Forum Labarik Feto ne mak:

• Kria espasu ba labarik feto sira husi munisipiu hodi halo diskusaun konaba issue-issue sira nebe maka sira infrenta iha sira nia munisipiu ida-idak

• Identifika no konsolida issu labarik feto sira no defini issue prioridade labarik feto nian

• Defini asaun stratejiku no rekomendasaun sira no asaun advokasia

Iha sesaun aprezentasaun Modera husi Brigida Ximenes ho orador importante sira hanesan:

1. Presidente INDDICA IP sra. 𝗗𝗶𝗻𝗼𝗿𝗮𝗵 𝗚𝗿𝗮𝗻𝗮𝗱𝗲𝗶𝗿𝗼 koalia kona ba Papel INDDICA liga ho Protesaun ba Direitu Labarik,

2. Sra. 𝗩𝗶𝗹𝗳𝗿𝗶𝗱𝗮 𝗠. 𝗙𝗲𝗿𝗻𝗮𝗻𝗱𝗲𝘀 husi FOKUPERS koalia konaba Impaktu husi Vitima Violasaun no abuzu ba Labarik Feto Sira

3. Sra. 𝗠𝗮𝗿𝗰𝗶𝗮 𝗦𝗲𝗾𝘂𝗲𝗶𝗿𝗮 husi ALFELA koalia konaba Asistensia legal ba vitima GBV labarik feto iha Timor-Leste.

Forum ida ne’e introdus programa husi Diretora Interina MOFFE Sra. Denise Tereza, hato’o mensagem husi Deputy County Director Care Timor-Leste Sra. Marsaulina Pasaribu no Abertura husi Presidente INDDICA IP Sra. Dinorah Grandeiro.