Iha Loron 12 Fevereiru 2026, MOFFE-TL no CARE iha Timor-Leste kolabora ho INDDICA hodi fasilita, suporta no no akompanha Labarik Feto husi munisipiu 13 hamutuk nain 28 (kada munisipiu reprezenta ema nain 2 ) hodi halo audensia ho Sua Excelencia Sra. Veronica das Dores, Ministra Solidaridade Sosial no Inkluzaun no Sua Exelencia Sra. Céu Brites, Vice Ministra Soliedariedade Social no Inkluzaun iha Salaun Auditoriu MSSI Caicoli-Dili.

Liu audensia ne’e labarik feto sira aprezenta sira nia Issue prioridade nebe’e identifika no hakerek ona iha Plataforma Labarik Feto periodu 2024-2028.

Audensia ne’e halao ho objetivu :
• Introdus no aprezenta konaba Plataforma Labarik Feto 2024-2028
• Reprezenta Labarik Feto hato’o sira nia situasaun, preokupasaun no rekomendasaun relasiona ho issue-issue prioridade ne’ebe labarik feto sira enfrente
• Entidade relevante sira rona direita no fo konsiderasaun ba situasaun ne’ebe labarik feto sira iha, hodi tulun solusiona ba problema sira ne’ebe mak labarik feto sira infrenta
• Labarik feto sira entrega Plataforma Labarik feto period 2024-2028 ba entidade relevante sira

Atividade ida ne’e organiza no lidera husi Diretora Interina MOFFE Timor-Leste Sra. Denise Tereza, nebe’e akumpanya no suporta tomak husi Prezidente INDDICA, IP Sra. Dinorah Granadeiro.