Iha Loron 12 Fevereiru 2026, MOFFE-TL no CARE iha Timor-Leste kolabora ho INDDICA hodi fasilita, suporta no akompanha Labarik Feto husi munisipiu 13 hamutuk nain 28 (kada munisipiu reprezenta ema nain 2) hodi halo audensia ho Sua Exceléncia Vice – Primeiro Ministru, Ministro Coordenador dos Asuntu Social no Ministru Dezenvolvimentu Rural no Habitasaun Komunitária, Eng. Mariano ASSANAMI Sabino iha Salaun GASC, Palacio Governo – Dili.

Liu husi audensia ne’e labarik feto sira aprezenta sira nia Issue prioridade nebe’e identifika no hakerek ona iha Plataforma Labarik Feto periodu 2024-2028.

Audensia ne’e halao ho objetivu:

• Introdus no aprezenta konaba Plataforma Labarik Feto 2024-2028
• Reprezenta Labarik Feto hato’o sira nia situasaun, preokupasaun no rekomendasaun relasiona ho issue-issue prioridade ne’ebe labarik feto sira enfrente
• Entidade relevante sira rona direita no fo konsiderasaun ba situasaun ne’ebe labarik feto sira iha, hodi tulun solusiona ba problema sira ne’ebe mak labarik feto sira infrenta
• Labarik feto sira entrega Plataforma Labarik feto period 2024-2028 ba entidade relevante sira.

Atividade ida ne’e organiza no lidera husi Diretora Interina MOFFE Timor-Leste Sra. Denise Tereza, nebe’e akumpanya no suporta tomak husi Prezidente INDDICA, IP Sra. Dinorah Granadeiro