Movimento Feto Foinsae Timor-Leste servisu hamtutuk ho Canada Fund for Local Initiatives (CFLI) realiza Dialogu Stakeholders ho objetivu atu rona aprezentasaun husi foinsae sira konaba asuntu saúde reprodutiva no sexual & violencia bazeia ba jeneru no hamtutuk buka solusaun hodi responde ba sira nia situasaun ne’ebe infrenta hodi fo apoiu diak liu ba sira.

iha Dialogu ida ne’e iha aprezentasaun sira hanesan:
1. Diretora Interina MOFFE 𝙎𝙧𝙖. 𝘿𝙚𝙣𝙞𝙨𝙚 𝙏𝙚𝙧𝙚𝙯𝙖 aprezenta konaba progresu no rezultadu implementasaun programa saúde reprodutiva no saúde sexual & violencia bazeia ba Jeneru iha Munisipiu Dili.
2. Reprezentante husi Grupu Edukador Foinsae Munisipiu Dili, alin Santina C. Moniz Magno aprezenta kona ba Dezafiu ne’ebe durante ne’e sira hasoru/infrenta iha eskola rasik liu-liu liga ba saúde reprodutiva no saúde sexual & violencia bazeia ba jeneru no mos igualdade jeneru.

Dialogu ida ne’e partisipa husi : Diretor Escola, reprezentante profesor husi eskola 5 (Eskola EBC St. Madalena Canossa, EBC Bidau Akadiru-Hun, EBC Nobel da Paz, ESG Nicolau Lobato no ESG Nobel da Paz), INCSIDA.IP, ESTRELA+, FMDC, Lideransa Komunitariu (Xefi suco Kampo Alor no Xefi suco Bairo Pite) no mos reprezentante membru Grupu Edukador Foinsae munisipiu Dili