Movimento Feto Foinsae Timor-Leste servisu hamtutuk ho Canada Fund for Local Initiatives (CFLI) realiza aktividade Dialogu Stakeholders hamutuk ho Servisu Saúde Munisipiu, Edukasaun Munisipiu, Diretor Eskola rua (Escola Secundaria Geral Paralelu Maubara no Escola Básica Central Maubara Liquiça), Asosiasaun Pais e Professora, reprezentante Inan Aman, reprezentante joventude iha suco, Asosiasaun Feto Munisipiu Liquica, membru Grupu Edukador Foinsa no Media Radio Tokodede iha salaun MCI Postu Maubara, Munisipiu Liquiça.

Atividade ne’e introdus programa husi Diretora Interina MOFFE Sra. Denise Tereza, no hato’o mensagen husi reprezentante Diretur Edukasaun Munisipiu Liquiça Sr. Carlos Lopes

Objetivu husi Dialogu ne’e:
Atu rona aprezentasaun husi foinsae sira konba asuntu saúde reprodutiva no sexual & violencia bazeia ba jeneru no hamtutuk buka solusaun hodi responde ba sira nia situasaun ne’ebe infrenta hodi fo apoiu diak liu ba sira.

iha Dialogu ida ne’e iha aprezentasaun sira hanesan :
1. Diretora Interina MOFFE Sra. Denise Tereza aprezenta konba progresu no rezultadu implementasaun programa saúde reprodutiva no saúde sexual no mos violensia bazeia ba Jeneru iha Postu Maubara.
2. Kordenador Grupu Edukador Foinsae postu Maubara, Bolivar M. dos Santos Afonsu aprezenta kona ba Dezafiu no obstakulu ne’ebe durante ne’e sira hasoru/infrenta iha eskola rasik liu-liu liga ba saúde reprodutiva no saúde sexual no mos violensia bazeia ba Jeneru no igualidade Jeneru