Movimento Feto Foinsae Timor-Leste servisu hamutuk ho Gabinete de Apoio á Sosiedade Civil (GASC) halo introdusaun no kuñesementu ba programa “Empoderamentu Ekonomia Juventude Feto” no “Sensibilizasaun no Edukasaun konaba Saude Reprodutiva no Sexual & Prevensaun ba Violensia Bazeia ba Jeneru” iha Suco Beloi no Biqueli, Postu Administrativa Atauro.

Objetivu husi programa rua ne’e mak:
▪️Estabelese no suporta grupo juventude feto ne’ebe halao Atividade ekonomia sustentavel.
▪️Atu oferese Edukasaun no Informasaun ba labarik feto sira ne’ebe iha idade produtiva hodi iha kuñesementu kona ba sira nia saude                  reprodutiva no sexual, prevene no hases an husi moras sexual no mos isin rua sedu, inklui enkoraja foinsae sira hodi promove igualidade        jeneru no halo prevensaun ba violensia bajeneru iha sira nia moris pesoal, familia, eskola no Sosiedade.

Halao ona enkontru no Introdus konaba atividade ba; Prezidente Autoridade Administrativa Atauro, Exelensia Sr. Mateus Belo, Xefe de Suco Biqueli Sr. Daniel Martins, Xefe suco Beloi Sr. Adão da C. Nunes, Director Educação Sr. Pedro Lopes Cabeca, Director Escola EBC Biqueli Sr. David Sarmento, Director ESTV Sr. Isac Pereira no Cordenador escola ESG Fini Esperança Biqueli Sr. Otniel Mamca