MOFFE-TL servisu hamutuk ho Gabinete de Apoio á Sosiedade Civil (GASC) realiza programa Sensibilizasaun no Edukasaun ba labarik feto sira konaba “Edukasaun Saúde Reprodutiva no Sexual & Prevensaun Violencia Bazeia ba Jeneru iha nivel Eskola” durante loron rua hahu dia 12-13 de Agostu iha eskola 4 hanesan : Eskola EBC Metinaru, Eskola ESG 20 de Setembro Metinaru, Eskola EBC Hera no Eskola ESG Hera hamutuk ho labarik feto nain 142.

Objetivu husi atividade ida ne’e atu:
• Oferese Edukasaun no Informasaun ba labarik feto sira ne’ebe iha idade produtiva konaba saude reprodutiva no sexual, prevene no hases an husi moras sexual no mos isin rua sedu.
• Enkoraja foin sae sira hodi promove igualidade jeneru no halo prevensaun ba violensia bazeia ba jeneru iha sira nia moris pesoal, familia, eskola no Sosiedade.

Atividade ne’e introdus programa husi Diretora Interina MOFFE Sra. Denise Tereza, hato’o mensagem husi reprezentante Gabinete de Apoio á Sosiedade Civil (GASC) Sra. Nori Maria Soares no abertura husi Diretor Eskola ESG Hera Sr. Bernardo Alegria.