MOFFE-TL servisu hamutuk ho Gabinete de Apoio á Sosiedade Civil (GASC) realiza programa Sensibilizasaun no Edukasaun ba labarik feto sira konaba “Edukasaun Saúde Reprodutiva no Sexual & Prevensaun Violencia Bazeia ba Jeneru iha nivel Eskola” durante loron rua (6-7 Outumbro) iha eskola 3 hanesan: Eskola ESG Fini Esperança Biqueli, Eskola EBC Biqueli no ESTV da Pesca-Beloi hamutuk ho labarik feto nain 97.

Objetivu husi atividade ida ne’e atu:
• Oferese Edukasaun no Informasaun ba labarik feto sira ne’ebe iha idade produtiva konaba saude reprodutiva no sexual, prevene no hases an husi moras sexual no mos isin rua sedu.
• Enkoraja foin sae sira hodi promove igualidade jeneru no halo prevensaun ba violensia bazeia ba jeneru iha sira nia moris pesoal, familia, eskola no Sosiedade.

Atividade ne’e introdus programa husi Kordenadora Programa Sra. Mariana das Neves, hato’o mensagem no abertura husi Diretor Edukasaun Sr. Pedro Lopes Cabeças, atividade ba loron ikus ensera husi director ESTV Sr. Isac Pereira.