Movimentu Feto Foinsae Timor-Leste servisu hamutuk ho Canada Fund For Local Initiatives (CFLI) realiza Training Of Trainer (TOT) ba foinsae hamutuk 25 (feto 15 no mane 10) ne’ebe reprezenta husi eskola Ensino Secundario Geral Paralelu Maubara no Ensino Basico Central 3 Maubara durante loron 4 (24-27 Setembru 2024) iha salaun MCI Maubara.

Atividade TOT ne introdus programa husi Diretora Interina MOFFE Sra. Denise Tereza no abertura husi Reprezentante Edukasaun munisipiu Liquica, Xefi departmentu Jestaun programa & edukasaun Sr. Bernadino dos Santos.

𝘼𝙩𝙞𝙫𝙞𝙙𝙖𝙙𝙚 𝙏𝙊𝙏 𝙣𝙚’𝙚 :
Atu oferese edukasaun no informasaun ba foinsae sira iha nivel eskola, hodi tulun hasae sira nia kuñesementu kona-ba sira nia saúde reprodutiva no saúde sexual ,prevene no hases an husi moras sexual no mos isin rua sedu hodi enkoraja foin sae sira hodi halo desizaun saudavel konaba sira nia direito saúde reprodutiva no saúde sexual no mos moris iha ambiente ne’ebe livre husi violensia iha sira nia moris pessoal, familia, eskola no sosiedade.

Depois atividade treinamentu, kontinua ho estabelese grupu “Youth Peer Educator/Edukador Foinsae” iha munisipiu Liquiça, nebe’e maka hili ona Kordenador/a hanesan tuir mai ne’e:
– 𝘽𝙤𝙡𝙞𝙫𝙖𝙧 𝙈𝙖𝙧𝙘𝙤𝙨 𝙙𝙤𝙨 𝙎𝙖𝙣𝙩𝙤𝙨 𝘼𝙛𝙤𝙣𝙨𝙤
– ⁠𝙇𝙚𝙩í𝙘𝙞𝙖 𝙂𝙪𝙞𝙤𝙢𝙖𝙧 𝙇𝙤𝙥𝙚𝙨 𝙙𝙤𝙨 𝙎𝙖𝙣𝙩𝙤𝙨