Movimentu Feto Foinsa’e Timor-Leste realiza workshop ho tema “Hasa’e Konsiensia Mane no Labarik Mane Hodi Foti Asaun Kontra Violensia Hasoru Feto no Labarik Feto” iha loron 11 Novembru 2024 iha salaun FMDC, HudiLaran-Dili.

Workshop ne’e ho nia objetivu atu:
– Hasa’e koñesimentu no konsiensia mane no labarik mane kona-ba oinsa sai kampiaun ba mudansa no kontra violensia hasoru feto no labarik feto.
– Fo biban ba mane no labarik mane atu lidera kampaña igualdade jeneru no kontra violensia bazeia ba jeneru liuhusi dezenvolve mensajen xave sira.

Workshop ne’e abertura husi Sra. Denise Tereza no fasilita husi Sr. Americo de Araújo, Diretór Mane Ho Vizaun Foun (MHFV) no partisipa husi grupu voluntariu no organizasaun sira iha Dili hamutuk ema nain 24 (mane no labarik mane 21 inklui komunidade LGBTQI+ nain 3).