Movimento Feto Foinsae Timor-Leste servisu hamutuk ho The Asian Foundation ka (TAF) husi Programa Tempu ba Mudansa realiza Workshop Konaba Digital Security No Safety Online Hodi Prevene Aktu Diskriminsaun Bazeia Ba Jeneru Iha Espasu Online hamutuk ho ativista, lider no pesoal media hamutuk 30 ( feto 21, mane 4 no Komunidade LGBTIQ+ 5) iha salaun FOKUPERS Dili.

Objetivo husi workshop ida ne’e atu:

• Hasa’e koñesimentu Lideransa feto sira kona ba Digital security no safety online hodi prevene aktu diskriminasaun bazeia ba jeneru iha espasu online
• Influensia conten creator/pesoal media sira hodi promove Digital security no safety online no prevene aktu diskriminasaun bazeia ba jeneru iha espasu online
• Promove Komunikasaun saudavel iha media online.

Workshop ida ne’e fasilita husi Sr. Fernando A.T. Ximenes, membro husi ITP-TL no ba ativista, lider feto no pesoal media husi organizasaun no grupu sira ne’ebe maka Lidera husi feto hanesan Fundasaun CAUCUS, Arcoíris Timor-Leste, CBRN-TL, FMF Liquiça, FMDC, JSMP, SBHMDU, ACbit, Rosas Mean, WWCTL, MRM, YAFC, CODIVA, JDN, CONT, YGIA, ACF no ESTRELA+.