Movimentu Feto Foinsa’e Timor-Leste kontinua realiza diskusaun livru “Buibere Hamriik Ukun Rasik An” ba sesaun daruak nian iha salaun Fokupers, Farol-Dili.

Diskusaun daruak ne’e hetan partisipasaun husi foinsa’e hamutuk 25 (feto 20 no mane 5) ne’ebé mai husi grupu voluntariu, movimentu, universitariu, no NGO sira iha Dili.

Iha sesaun diskusaun ba daruak nian partisipante no panelista sira diskuti ka foku liu ba kapitulu IV-VII ne’ebé koalia kona-ba Edukasaun, Creche, Saude no Produsaun ne’ebé hakerek iha livru ne’e rasik.

Diskusaun ne’e modera husi Sra. Eka Costa no involve panelista nain tolu mak :

– Sr. Miguel Monsil ne’ebé fahe kona-ba Edukasau no Creche

– Sra. Denise Tereza Diretora Interina MOFFE ne’ebé fahe kona-ba Saude no

– Sr. Upe Ha ne’ebé fahe kona-ba Produsaun.

Diskusaun ne’e mós akompaña husi Sr. Nuno Rodrigues Tchailoro hanesan Koordenador Jerál, Hakerek nain livru “Buibere Hamriik Ukun Rasik An”