Iha loron 1-2 Outubro tinan 2024, Movimentu Feto Foin Sae Timor-Leste servisu hamutuk ho Gabinete Apoiu Sosiedade Civil realiza atividade formasaun konaba “Hakbi’it Abilidade Lideransa Juventude ” ba juventude feto hamutuk 25 iha suco Fatuquero, postu Glenu-Munisipiu Ermera.

Atividade formasaun ne’e introdus programa husi Diretora Interina MOFFE-TL Sra. Denise Tereza no abertura husi reprezentante Autoridade Local Xefi Aldeia Fatuquero Sr. Sergio de Jesus G. Ferreira.

Objetivu husi formasaun ne’e atu fornese informasaun oi-oin hodi forma no prepara Lideransa Juventude Feto hodi reforsa sira nia prezensa iha moris komunidade no juventude feto sira ativu no preparadu ba hasoru desentralizasaun.